দেৰগাঁও ছগুৰি কছাৰী গাঁৱৰ সৰবৰহী মহিলা সুভদ্ৰা ৰায়ৰ মৃত্যুত শোক

ডিজিটেল সংবাদ, দেৰগাঁওঃ দেৰগাঁও ছগুৰি কছাৰী গাঁৱৰ সৰবৰহী মহিলা তথা সাংবাদিক অৰূপ কুমাৰ ৰায়ৰ মাতৃ সুভদ্ৰা ৰায়ৰ দেহাৱসান। শনিবাৰে ৯২ বছৰ বয়সত বাৰ্ধক্যজনিত কাৰণত নিজাবাসগৃহত শেষ নিশ্বাস ত্যাগ কৰে ধৰ্মপ্ৰাণা মহিলা সুভদ্ৰা ৰায়ে।  অগ্ৰণী তথা সৰবৰহী মহিলাগৰাকীৰ মৃত্যুত সমগ্ৰ অঞ্চলটোতে গভীৰ শোকৰ ছাঁ পৰিছে। মৃত্যুৰ সময়ত সুভদ্ৰা ৰায়ে সাংবাদিক পুত্ৰ অৰূপ কুমাৰ ৰায়সহ দুই পুত্ৰ, বোৱাৰী, দুগৰাকী কন্যা, নাতি-নাতিনীসহ বহু আত্মীয়-স্বজনক ইহসংসাৰত এৰি থৈ গৈছে।

সৰবৰহী মহিলা সুভদ্ৰা ৰায় মৃত্যুত বিভিন্ন অনুষ্ঠান-প্ৰতিষ্ঠান, ব্যক্তিৰ লগতে জননী লাইভ পৰিয়ালেও গভীৰ শোক প্ৰকাশ কৰাৰ লগতে বিদেহ আত্মাৰ চিৰশান্তি কামনা কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে।