একেৰাহে দ্বিতীয় পৰাজয়ৰ পিছত অনুৰাগীসকল ক্ষুন্ন হৈ পৰিছে টীম ইণ্ডিয়াৰ ওপৰতঃ এই খেলুৱৈজনৰ টীম ইণ্ডিয়ালৈ উভতি অহাৰ দাবী ক্ৰিকেটপ্ৰেমীৰ

দেওবাৰে অনুষ্ঠিত দ্বিতীয়খন টি-২০টো ভাৰতীয় দলটোৱে দক্ষিণ আফ্ৰিকাৰ বিৰুদ্ধে ৪ উইকেটত পৰাজিত হৈছে। শৃংখলাত আফ্ৰিকান দলৰ বিৰুদ্ধে এইটো ভাৰতৰ একেৰাহে দ্বিতীয়টো পৰাজয়। শৃংখলাটো জিকিবলৈ টীম ইণ্ডিয়াই বাকী থকা  তিনিখন মেচেই  জিকিব লাগিব। ইফালে ভাৰতৰ ক্ৰমাগত পৰাজয়ে অনুৰাগীসকলক সামাজিক মাধ্যমত খঙাল কৰি তুলিছে।  অনুৰাগীয়ে  এজন খেলুৱৈক টীম ইণ্ডিয়ালৈ ঘূৰাই অনাৰ দাবী উত্থাপন কৰিছে। 

অনুৰাগীসকলে কোন গৰাকীৰ খেলুৱৈ টীম ইণ্ডিয়া উভতি অহাটো বিচাৰিছে? 

দ্বিতীয় খন টি-২০ খেলত পৰাজয়ৰ পিছত অনুৰাগীসকলে সঞ্জু চেমছনক উভতি অহাটো বিচাৰিছে। সঞ্জু চেমছনে আই পি এল ২০২২ত  ভাল খেল প্ৰদৰ্শন কৰিবলৈ সক্ষম হৈছিল।  কিন্তু তথাপিও টীম ইণ্ডিয়াত স্থান লাভ কৰাত ব্যৰ্থ হৈছে খেলুৱৈগৰাকী।। সঞ্জুৱে আই পি এল ২০২২ ৰ ১৭ খন খেলত ৪৫৮ ৰাণ সংগ্ৰহ কৰিছিল।  একে সময়তে, তেওঁৰ উইকেটকিপিং দক্ষতাও আশ্চৰ্যজনক। অন্যহাতে একাংশ অনুৰাগীয়ে ঋষভ পন্তৰ ঠাইত সঞ্জু চেমছনক দলত অন্তৰ্ভুক্ত কৰিব লাগে বুলি মতপোষন কৰিছে। 

সঞ্জু চেমছন মিডল অৰ্ডাৰত সুন্দৰ বেটিং কৰাৰ দক্ষতা আছে। সঞ্জুৰ অধিনায়কত্বত ৰাজস্থান ৰয়েলছে প্লে অফত প্ৰৱেশ কৰিছিল। 

ভাৰতীয় দলটোৱে শৃংখলাটোত একেৰাহে দ্বিতীয়টো পৰাজয়ৰ সন্মুখীন হৈছিল। এতিয়া শৃংখলাটোত থাকিবলৈ, টীম ইণ্ডিয়াই যিকোনো মূল্যত তৃতীয় খন মেচ জিকিব লাগিব। অন্যথা, টীম ইণ্ডিয়াই শৃংখলাটো হেৰুৱাব। ভাৰতে আজিলৈকে ঘৰুৱা খেলত দক্ষিণ আফ্ৰিকাৰ বিৰুদ্ধে শৃংখলাটো জিকিব পৰা নাই। ভাৰতে এতিয়ালৈকে দক্ষিণ আফ্ৰিকাৰ বিৰুদ্ধে ৯ খন টি-২০ জিকিছে। প্ৰথম দুখন খেলত, ভাৰতীয় দলৰ বলিং অতি দুৰ্বল দেখা গৈছিল। 

দ্বিতীয় খন টি-২০ খেলত ভাৰতীয় দলে প্ৰথমে বেটিং কৰি দক্ষিণ আফ্ৰিকাৰ সন্মুখত ১৪৯ ৰাণৰ লক্ষ্য বান্ধি দিছিল। যিটো আফ্ৰিকাৰ দলটোৱে ৬ টা উইকেট হেৰুৱাই লক্ষ্যত উপনীত হ’বৈল সক্ষম হ’ল। শ্ৰেয়াছ আয়াৰে ভাৰতৰ হৈ সৰ্বাধিক ৪০ ৰাণ সংগ্ৰহ কৰিছিল।  একে সময়তে, অপেনাৰ ঈশান কিষাণে এটা ভাল আৰম্ভণিক ডাঙৰ ইনিংছলৈ ৰূপান্তৰ কৰিব নোৱাৰিলে।