বান পৰিস্থিতিক লৈ গোলাঘাট জিলা প্ৰশাসনৰ নিৰ্দেশনা

  

গোলাঘাট জিলা প্ৰশাসনৰ দ্বাৰা ৰাইজৰ জ্ঞাতাৰ্থে এক নিৰ্দেশনা জাৰি কৰিছে। নিৰ্দেশনা অনুসৰি বিগত দিনত বৰষুণৰ ফলত নদী আৰু উপনৈ সমূহৰ জলস্তৰ বৃদ্ধি পাইছে । গতিকে নৈপৰীয়া ৰাইজক বানপানীৰ পৰা হব পৰা সম্ভাব্য বিপদ প্ৰতিহত কৰিবৰ বাবে সজাগ হৈ থাকিবলৈ সকলোকে  নিৰ্দেশনাযোগে তলত উল্লেখ কৰা নিয়মসমূহ পালন কৰিবলৈ আহ্বান জনাইছে..........

১/ বাঢ়নী পানীত গা-ধোৱা আৰু মাছ মাৰিবলৈ যোৱাৰ পৰা বিৰত থাকক ।

২/সৰু ল'ৰা ছোৱালীক নদী,জান -জুৰি,খাল,ডোং আদিৰ ওচৰত নাযাবলৈ আৰু নেখেলিবলৈ বাধ্য কৰাওক ।

৩/নদী,জান -জুৰি খাল ডোং আদি পানীত নাওঁ চলোৱাৰ পৰা বিৰত থাকক ।

৪/ বাঢ়নী পানীত খোজ কাঢ়িবলৈ নাযাব ।

৫/বাঢ়নী পানীত গাড়ী -মটৰ আদি চলাবলৈ নাযাব ।

৬/ৰাতিৰ ভাগত বাঢ়নী পানীয়েদি নাযাব ।

৭/বৈদ্যুতিক খুটা,ট্ৰেন্সৰ্ফমাৰ,ওলমি থকা বৈদ্যুতিক তাঁৰ আদিৰ পৰা দূৰত থাকক । পানীৰ সংস্পৰ্শত থকা বৈদ্যুতিক আহিলা পৰীক্ষা নকৰাকৈ ব্যৱহাৰ নকৰিব ।

৮/বৈদ্যুতিক আহিলা বা ট্ৰেন্সৰ্ফমাৰ পানীত ডুবি থকা দেখিলে ততালিকে বিভাগীয় ৰ্কতৃপক্ষক অৱগত কৰক ।

৯/ বানপানীৰ সময়ত ওখ ঠাই ঘৰৰ ভিতৰলৈ সাপ সোমাই আহিব পাৰে ।গতিকে সৰ্প দংশনৰ পৰা সাৱধানে থাকক ।

১০/বানপানীত উটি অহা বা পানীত ওপঙি থকা খাদ্যবস্তু নাখাব ।