সৈত্যেন্দ্ৰ জৈনৰ গ্ৰেপ্তাৰ সন্দৰ্ভত নীৰৱতা ভংগ কৰিলে অৰবিন্দ কেজৰিৱালেঃ গোচৰটোক 'ভুৱা', 'ৰাজনৈতিক উদ্দেশ্যপ্ৰণোদিত'

আম আদমী পাৰ্টিৰ (আপ) ৰাষ্ট্ৰীয় আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে মঙলবাৰে প্ৰৱৰ্তন সঞ্চালকালয়ৰ  দ্বাৰা তেওঁৰ মন্ত্ৰী সৈত্যেন্দ্ৰ জৈনক গ্ৰেপ্তাৰ কৰাৰ সন্দৰ্ভত মৌনতা ভংগ কৰি কয় যে গোচৰটো "সম্পূৰ্ণভুৱা" আৰু "ৰাজনৈতিক ভাৱে অনুপ্ৰেৰিত"। তেওঁৰ ন্যায়পালিকাৰ ওপৰত বিশ্বাস আছে আৰু দৃঢ়তাৰে কয় আৰু আপ এটা সৎ ৰাজনৈতিক দল বুলি উল্লেখ কৰে।

দিল্লীৰ মুখ্যমন্ত্ৰীগৰাকীয়ে  কয় যে "মই জৈনৰ বিৰুদ্ধে গোচৰটো অধ্যয়ন কৰিছো। এইটো সম্পূৰ্ণৰূপে ভুৱা আৰু ৰাজনৈতিক উদ্দেশ্যপ্ৰণোদিত। ন্যায়পালিকাৰ ওপৰত আমাৰ বিশ্বাস আছে। জৈনে সত্যৰ পথ অনুসৰণ কৰি আহিছে, আৰু তেওঁ পুনৰ নিকা হৈ উভতি আহিব," 

উল্লেখ্য যে সৈতেন্দ্ৰ জৈনক সোমবাৰে ইডিয়ে এটা ধন ৰপ্তানিৰ গোচৰত গ্ৰেপ্তাৰ কৰিছিল। জৈনক মানি লণ্ডাৰিং প্ৰতিৰোধ আইনৰ (পিএমএলএ) অপৰাধী ধাৰাৰ অধীনত জিম্মাত লোৱা হৈছে। 

৫৭ বছৰীয়া জৈন অৰবিন্দ কেজৰিৱাল নেতৃত্বাধীন চৰকাৰৰ স্বাস্থ্য, উদ্যোগ, শক্তি, গৃহ, নগৰ উন্নয়ন আৰু জল মন্ত্ৰী আছিল।