ভাৰত ছেমি ফাইনেলত প্ৰৱেশত বাধা হ’ব পৰা পাকিস্তানত জন্মগ্ৰহণ কৰা এইগৰাকী খেলুৱৈঃ সতৰ্ক হ’ব লাগিব ভাৰত

টি-২০ বিশ্বকাপ ২০২২ ইয়াৰ অন্তিম পৰ্যায়ত উপনীত হৈছে। টি-২০ বিশ্বকাপত এতিয়ালৈকে চাৰিখন খেলৰ ভিতৰত তিনিখনত টীম ইণ্ডিয়া ই জিকিছে। ভাৰত আৰু জিম্বাবোৱেৰ মাজৰ খেলখন ৬ নৱেম্বৰত মেলবৰ্ণ খেলপথাৰত অনুষ্ঠিত হ'ব। এই মেচখন জিকি টীম ইণ্ডিয়াই ছেমি ফাইনেলৰ বাবে যোগ্যতা অৰ্জন কৰিব বিচাৰিব। কিন্তু জিম্বাবোৱেৰ এজন তাৰকা খেলুৱৈ ইয়াত বাধা হৈ পৰিব পাৰে। জিম্বাবোৱেৰ বিৰুদ্ধে খেলখনত টীম ইণ্ডিয়াই এই খেলুৱৈজনৰ প্ৰতি সাৱধান হ'ব লাগিব। 

খেলুৱৈগৰাকী আন কোনো নহয় জিম্বাবোৱেৰ তাৰকা খেলুৱৈ চিকান্দাৰ ৰাজা।  তেওঁ  জিম্বাবোৱে দলৰ হৈ বহুতো মেচ জিকাইছে। শেহতায়ীকৈ ৰাজাই পাকিস্তানৰ বিৰুদ্ধে খেলখনত ৩ টা উইকেট দখল কৰিছিল জিম্বাবোৱে দলক বিজয় প্ৰদান কৰিছিল। তেওঁ এতিয়ালৈকে টি-২০ বিশ্বকাপ ২০২২ ত ৯ টা উইকেট দখল কৰিছে। একে সময়তে, তেওঁ বেটেৰে ১৮৫ ৰাণ সংগ্ৰহ কৰিছে। টীম ইণ্ডিয়াই এই অলৰাউণ্ডাৰগৰাকীৰ প্ৰতি সাৱধান হ'ব লাগিব। এই খেলুৱৈজন ছেমি ফাইনেললৈ যোৱাৰ সপোন ভাঙিব পাৰে ভাৰতৰ। 

উল্লেখ্য যে চিকান্দাৰ ৰাজাৰ জন্ম ১৯৮৬ চনৰ ২৪ এপ্ৰিলত পাকিস্তানৰ চিয়ালকোটত হৈছিল। ২০০২ চনত তেওঁ পৰিয়ালৰ সৈতে জিম্বাবোৱেলৈ যায়। কিন্তু তাত নাগৰিকত্ব পাবলৈ ৯ বছৰ লাগিছিল। তেওঁ ২০১১ চনত এই অধিকাৰ লাভ কৰিছিল। সিকন্দৰ ৰাজাই সৰুতে পাইলট হ'ব বিচাৰিছিল। কিন্তু সেই সপোন তেওঁৰ পূৰ নহ’ল। ইয়াৰ পিছত, তেওঁ ক্ৰিকেটৰ ফালে মন মেলে। য'ত তেওঁ এতিয়া সফলতাৰ পতাকা উত্তোলন কৰিবলৈ সক্ষম হৈছে।