নৃত্যাঞ্জলি কলা কেন্দ্ৰৰ ৰূপালী জয়ন্তী বৰ্ষ তথা সৰ্বভাৰতীয় নৃত্য, নাট্য, লোকসংগীত মহোৎসৱ উদযাপন

ডিজিটেল, ডেস্কঃ নৃত্যাঞ্জলি কলা কেন্দ্ৰৰ ৰূপালী জয়ন্তী বৰ্ষ তথাসৰ্বভাৰতীয় নৃত্য, নাট্য, লোকসংগীত মহোৎসৱ   উদযাপনৰ বাবে সাধাৰণ সভা:- আজি দেৰগাঁও মাৰোৱাৰী ধৰমশালাত প্ৰথমখন সাধাৰণ সভা অনুষ্ঠিত হয় ।‌ বিশিষ্ট শিক্ষাবিদ প্ৰভাত ফুকনৰ দেৱৰ সভাপতিত্বত অনুষ্ঠিত হোৱা এই সভাখন আঁত ধৰে নৃত্যাঞ্জলী কলা কেন্দ্ৰৰ সঞ্চালক শান্তুমণি শৰ্মাই । মাৰোৱাৰী ধৰমশালাৰ প্ৰেক্ষাগৃহত অগণন লোকৰ উপস্থিতিত সফল ভাৱে সমাপন হয়, এখন শক্তিশালী উদযাপন সমিতি গঠন হয়। 2024 বৰ্ষৰ জানুৱাৰী মাহৰ 4,5,6,7 আৰু 8 তাৰিখে আমি দেৰগাঁও ত আড়ম্বৰপূৰ্ণভাৱে আয়োজন কৰিবলৈ আগবাঢ়িছো "সৰ্বভাৰতীয় নৃত্য, নাট্য, লোকসংগীত মহোৎসৱ আৰু নৃত্যাঞ্জলি বঁটা-2024"। অংগৰাগ পাপন মহন্ত, জুবিন গাৰ্গ আৰু কুসুম কৈলাশক নিমন্ত্ৰণ জনোৱাৰ সিদ্ধান্ত গ্ৰহণ কৰা হয় আজিৰ সভাত লগতে ভাৰতবৰ্ষৰ 9 খন ৰাজ্যৰ সাংস্কৃতিক সমন্বয় ঘটিব এই মহোৎসৱত । সকলোৰে আকুণ্ঠ সহযোগিতা আমি উদযাপন সমিতিয়ে আন্তৰিকতাৰে কামনা কৰিছো।এই সভাত দেৰগাঁৱৰ ৰাজহ চক্ৰ বিষয়া চিৰঞ্জীৱ দাস , গোলাঘাট পৌৰসভাৰ উপ পৌৰপতি সীমান্ত বৰা , অসমৰ বিশিষ্ট চলচ্চিত্ৰ প্ৰযোজক , সাহিত্যিক সমাজকৰ্মী নুৰুল চুলতান , বিশিষ্ট সমাজকৰ্মী অতুল মহন্ত , দেৱজিৎ ভূঞা , বিশিষ্ট ব্যৱসায়ীদ্বয় ৰাজুমণি হুচেইন , দিলৱাৰ হুচেইন, সদৌ অসম ছাত্ৰ সন্থাৰ সহঃ সম্পাদক অভিৱৰ্তন গোস্বামী , বিশিষ্ট সমাজসেৱিকা দ্বিপান্বিতা দুৱৰা , নৃত্যাঞ্জলী কলা কেন্দ্ৰৰ সভাপতি অনিল মহন্ত , দেৰগাঁও কমল দুৱৰা মহাবিদ্যালয়ৰ প্ৰবক্তা খীৰেশ্বৰ লইং দেৰগাঁৱৰ বিশিষ্ট সমাজকৰ্মী বিচিত্ৰ ভূষণ কলিতা, অৰণ্যম স্বেচ্ছাসেৱী অনুষ্ঠানৰ সভাপতি সঞ্জীৱ হাজৰিকা , নৃত্যাঞ্জলী কলা কেন্দ্ৰৰ দেৰগাঁও , বোকাখাট , কছাৰীহাট , ৰঙাজান এই চাৰিওটা শাখাৰ প্ৰতিনিধি , নৃত্যাঞ্জলী কলা কেন্দ্ৰৰ প্ৰাক্তন ছাত্ৰ-ছাত্ৰী , অভিভাৱক-অভিভাৱিকাৰ লগতে বহু গণ্য মান্য ব্যক্তি উপস্থিত থাকে । ২০২৪ বৰ্ষৰ জানুৱাৰী মাহৰ প্ৰথম সপ্তাহত  পাঁচ দিনীয়া কাৰ্যসূচীৰে অনুষ্ঠিত কৰিবলগীয়া এই বৃহৎ সাংস্কৃতিক অনুষ্ঠানৰ বাবে সৰ্বমুঠ ৭৫ লাখ টকাৰ বাজেট নিৰ্ধাৰণ কৰা হৈছে । নৃত্যাঞ্জলী কলা কেন্দ্ৰৰ ৰূপালী জয়ন্তী উদযাপনৰ উদ্দেশ্যে আগত ৰাখি উপস্থিত ৰাইজৰ সৰ্বসন্মতিক্ৰমে অসম চৰকাৰৰ বিত্তমন্ত্ৰী অজন্তা নেওগক  উদযাপন সভানেত্ৰী হিচাপে নিৰ্বাচিত কৰাৰ এক প্ৰস্তাৱ গ্ৰহণ কৰা হয় ।‌ উল্লেখযোগ্য যে নৃত্যাঞ্জলী কলা কেন্দ্ৰৰ ৰূপালী জয়ন্তী অনুষ্ঠানত অসম কণ্ঠ উপাধিৰে বিভূষিত অসমৰ বিশিষ্ট কণ্ঠশিল্পী কুসুম কৈলাশ , যুৱপ্ৰজন্মৰ হাৰ্ট থ্ৰৱ জুবিন গাৰ্গে সংগীতানুষ্ঠান পৰিৱেশন কৰিব । সৰ্বভাৰতীয় পৰ্যায়ত অনুষ্ঠিত হবলগীয়া এই অনুষ্ঠানৰ মুখ্য আকৰ্ষণ হিচাপে উপস্থিত থাকি অনুষ্ঠান পৰিৱেশন কৰিব জনপ্ৰিয় কণ্ঠশিল্পী অঙ্গৰাগ পাপন মহন্তই । উল্লেখযোগ্য যে এই অনুষ্ঠানতে ৮ ম সংখ্যক  "নৃত্যঞ্জলী বঁটা ২০২২" প্ৰদান কৰা হ'ব ।