![](https://blogger.googleusercontent.com/img/b/R29vZ2xl/AVvXsEhUm16WvY-SLuHx70W_L3naIQ69RFO_DIonuQ7Y6C6oj2mxcmsEeFnnU_5y4ObftX-Tt_RMfMj7YJ3As-WGvmG7ixrJ30eQqOigfxXEkKhFs7WRthkwL-mNA05IWbtmVYHalOg1beDbsEQU80UbYXUyRnJ2Z15AUoILWTghzwHV2OHQYfSgk_Z-E9XU/s320/WhatsApp%20Image%202023-01-28%20at%203.42.15%20PM.jpeg)
ডিজিটেল ডেস্ক.... ৪ লাখ কোটিৰো অধিক লোকচান..... আর্থিক বিপৰ্যয়ৰ সন্মুখত থিয় হৈ আছে আদানী গ্ৰুপৰ কোম্পানী বিলাক । ঋণৰ বোজাত পতন ঘটিব পাৰে আদানীৰ ব্যৱসায়ীক সাম্রাজ্য । বিগত সপ্তাহত হিণ্ডেনবাৰ্গ ৰিচাৰ্ছ নামৰ মার্কিন সংস্থাটোৱে ৰাজহুৱা কৰিছিল আদানীৰ ব্যৱসায়ীক সাম্ৰাজ্য পতনৰ ...গৌতম আদানি মার্কিন সংস্থাৰ নেতিবাচক ৰিপ'ৰ্ট এক বিস্তৃত প্রতিবেদন । এই নেতিবাচক প্রতিবেদন ৰাজহুৱা হোৱাৰ পিছতে আদানী গ্ৰুপৰ ৭ টা কোম্পানীৰ শ্বেয়াৰৰ মূল্য অভাবনীয়ভাবে হ্রাস পায় । প্রায় দুবছৰ ধৰি গৱেষণা কৰাৰ অন্তত হিণ্ডেনবাৰ্গ ৰিচাৰ্ছে ১০৬ পৃষ্ঠাৰ এই বৃহৎ প্রতিবেদন ৰাজহুৱা কৰে । শ্বেয়াৰৰ মূল্য অভাবনীয়ভাৱে হ্রাস পোৱাৰ ফলত বুধবাৰৰ দিনটোতে আদানীৰ মুঠ সম্পত্তিৰ মূল্য ৬০০ কোটি ডলাৰ কমি যায় । বিশ্বৰ তৃতীয় ধনী লোক হিচাপে বিবেচিত আদানীৰ মুঠ সম্পত্তিৰ মূল্য প্রায় ১২ হাজাৰ কোটি ডলাৰ । অষ্ট্ৰেলিয়াৰ কয়লাখনিৰ পৰা ভাৰতৰ বন্দৰ পর্যন্ত সকলোতে ব্যৱসায়ীক সাম্রাজ্য গঢ়ি তুলিছে আদানীয়ে ।শুকুৰবাৰে শ্বেয়াৰ বজাৰত আদানী এণ্টাৰপ্ৰাইজে ১৮ শতাংশ , আদানী পোর্টে ১৬ শতাংশ , আদানী ট্ৰেন্সমিছন আৰু আদানী গ্রীণ এনার্জীয়ে ১৯.৯৯ শতাংশ , আদানী গেছে ২০ শতাংশ আৰু আদানী পাৱাৰে ৫ শতাংশ লোকচানৰ সন্মুখীন হয় । প্ৰতিদিনে লাখ লাখ কোটি টকাৰ লোকচানৰ সন্মুখীন হোৱাৰ ফলত বিনিয়োগকাৰীৰ পৰা তীব্র হেচাৰ সন্মুখীন হৈছে আদানী গ্রুপে ।
No comments