ভয়ংকৰ ভূমিকম্পত কঁপি উঠিল তুৰ্কীঃ শতাধিকৰ প্ৰাণহানি

সোমবাৰে মধ্য তুৰ্কী আৰু উত্তৰ-পশ্চিম ছিৰিয়াত ৭.৯ প্ৰাবল্যৰ এক ডাঙৰ ভূমিকম্পত শতাধিকৰ প্ৰাণহানি। ভয়ংকৰ ভূমিকম্পৰ ফলত বৰফৰ অঞ্চলটোত  অট্টালিকা খহি নিমিষতে ধ্বংসস্তূপত পৰিণত হয়। ধ্বংসস্তূপত আৱদ্ধ হৈ পৰে শ শ লোক।

শীতৰ ৰাতিপুৱা সংঘটিত ভূমিকম্পটো চাইপ্ৰাছ আৰু লেবাননতো সামান্য প্ৰভাৱ পৰিছিল।

ভূমিকম্পৰ কেন্দ্ৰস্থলৰ ওচৰত থকা তুৰ্কীচহৰ গাজিয়ানটেপৰ এজন বাসিন্দাই কয় যে, "মই জীয়াই থকা ৪০ বছৰত কেতিয়াও পৰিস্থিতিৰ অনুভৱ কৰা নাছিলোঁ। "আমি অতি কমেও তিনিবাৰ জোৰেৰে কপি উঠিছিলোঁ যেনে এটা ক্ৰিবত থকা কেঁচুৱাহে।"

তুৰ্কীৰ দুৰ্যোগ সংস্থাই সমগ্ৰ ঘটনাৰ সন্দৰ্ভত কয়  ৭৬ জন লোক নিহত হোৱাৰ বিপৰীতে ৪৪০ জন আঘাতপ্ৰাপ্ত হৈছে। ইফালে ছিৰিয়াৰ চৰকাৰী সংবাদ মাধ্যমত প্ৰকাশ পোৱা অনুসৰি উক্ত ভূমিকম্পত ১০০ তকৈও অধিক লোক নিহত হৈছে। ইয়াৰে বেছিভাগ হামা, আলেপ্পো আৰু লাটাকিয়া প্ৰদেশত, য'ত অসংখ্য অট্টালিকা খহি পৰিছিল।