লেখক মিন্টু (অভিজ্ঞান) বৈশ্যৰ প্ৰথমখন কবিতা পুথি চৌ বোৰ জীয়াই থাকে শীৰ্ষক গ্ৰন্থ প্ৰকাশ

ডিজিটেল সংবাদ, নলবাৰীঃ বৃহস্পতিবাৰে নলবাৰী জিলাৰ নৱ প্ৰজন্মৰ লেখক মিন্টু (অভিজ্ঞান) বৈশ্যৰ প্ৰথমখন কবিতা পুথি চৌ বোৰ জীয়াই থাকে ত্ৰাতৃৰ সহযোগত ৰস পানচৈ প্ৰকাশনৰ দ্বাৰা  প্ৰকাশ হয়। উন্মোচক হিচাপে উপস্থিত থাকে বিশিষ্ট লেখিকা নাজমা মুখাৰ্জী। তেখেতে মিন্টুৰ কবিতাৰ ওপৰত আলোকপাত কৰি আৰু মিন্টুলৈ শুভেচ্ছা জনাই এটি বক্তৃতা প্ৰদান কৰে। অনুষ্ঠানৰ আঁত ধৰে দৰং ৰ পৰা দিশান্ত পৰাশৰে। আৰম্ভণিতে মিন্টুলৈ শুভেচ্ছা জনাই বৰগীত পৰিৱেশন কৰে নলবাৰীৰ পৰা প্ৰনীতা হালৈ। অনুষ্ঠানত উপস্থিত থাকি মিন্টুলৈ আবেগসিক্ত শুভেচ্ছা বাৰ্তা প্ৰেৰণ কৰে মালবিকা শৰ্মা, মনিৰূপা মিশ্ৰ,মিন্টুৰ পিতৃ, ভগ্নী, মিন্টুৰ শিক্ষা গুৰু মনোৰঞ্জন ভাগৱতী, মঞ্জু ৰাণী দাস, অপূৰ্ব বল্লভ গোস্বামী, পাপৰি দেৱী,গৌতম গায়ন, সবিতা ৰায়,দীপক গগৈ, নিৰুপমা বৰা,অলি বৰুৱা, ৰীতা বৰুৱা,সুদক্ষিণা শইকীয়া,তানিয়া মধুকল্য, জেউতি শিখা দাস, সীমান্ত বৰ চেতিয়া,চিমী বৰুৱা, আদিত্য কলিতা,চফিকুল ৰহমান,ত্ৰিদীপ বৰা,কাৰ্তিক নিজৰা হালৈ, তনুশ্ৰী,কিশোৰ দাস, যুৱৰাজকে ধৰি মিন্টুৰ প্ৰায় সংখ্যক শুভাকাঙ্ক্ষী। সকলোৱে  মিন্টুৰ কাব্যিক জীৱনৰ উত্তৰোত্তৰ কামনা কৰে। শেষত মিন্টু বৈশ্যৰ এটি কবিতা পাঠেৰে অনুষ্ঠানটোৰ সামৰণি ঘটে।