গোলাঘাটৰ ৮১ হেজাৰ কৃষকলৈ প্ৰধানমন্ত্ৰী কৃষক সন্মান নিধিৰ ধন
ডিজিটেল ডেস্কঃ শনিবাৰে দেশৰ ৯ কোটি ৭০ লাখতকৈও অধিক কৃষক ৰাইজৰ বাবে প্ৰধানমন্ত্ৰী কৃষক সন্মান নিধিৰ ধনৰাশি মুকলি কৰা হয়। ভাৰতৰ প্ৰধানমন্ত্ৰী নৰেন্দ্ৰ মোদীয়ে বাৰানসীৰ বাৰাউলিত অনুষ্ঠিত ‘Live webcast’ অনুষ্ঠানৰ জৰিয়তে প্ৰধানমন্ত্ৰী কৃষক সন্মান নিধিৰ ২০ নম্বৰ কিস্তিৰ অনুদান হস্তান্তৰ প্ৰক্ৰিয়াৰ শুভাৰম্ভণি কৰে। প্ৰধানমন্ত্ৰী গৰাকীয়ে আনুষ্ঠানিকভাৱে হিতাধিকাৰী কৃষকলৈ ২০ নম্বৰ কিস্তিৰ অনুদান মুকলি কৰা কাৰ্যসূচীৰ সৈতে সংগতি ৰাখি সমগ্ৰ ৰাজ্যৰ লগতে গোলাঘাট জিলা ভিন্ন স্থানত অনুষ্ঠানৰ পোনপটীয়া সম্প্ৰচাৰ কাৰ্যসূচী অনুষ্ঠিত কৰা হয়।জিলা কৃষি বিভাগৰ উদ্যোগত গোলাঘাট জিলাৰ কৃষি বিজ্ঞান কেন্দ্ৰ, পঞ্চায়ত কাৰ্যালয়, সামূহিক সেৱা কেন্দ্ৰ আৰু খণ্ড উন্নয়ন বিষয়াৰ কাৰ্যালয়কে আদি কৰি মুঠ ২১ টা স্থানত অনুষ্ঠিত হোৱা পোনপটীয়া সম্প্ৰচাৰ কাৰ্যসূচীত জিলাখনৰ ভিন্ন প্ৰান্তৰ ২ হেজাৰৰো অধিক কৃষক ৰাইজে অংশগ্ৰহণ কৰে।পি এম কিষান আঁচনিৰ হিতাধীকাৰী কৃষকৰ উপস্থিতিত অনুষ্ঠিত হোৱা কাৰ্যসূচীত কৃষক ৰাইজক কৃষি বিভাগৰ বিভিন্ন কল্যানকামী আঁচনি সম্পৰ্কেও অৱগত কৰে সংশ্লিষ্ট কৃষি বিভাগৰ বিষয়া কৰ্মীসকলে। উল্লেখ্য যে গোলাঘাট জিলাৰ ৮১,৪১৫ গৰাকী কৃষকে পি এম কিষান আঁচনিৰ অধীনত ২০ নম্বৰ কিস্তিৰ ধন লাভ কৰিব।এই আঁচনিৰ অধীনত কৃষি কৰ্মত সহায়ৰ বাবে ২ হেজাৰ টকাকৈ তিনিটা কিস্তিত প্ৰতি বছৰে ৬ হেজাৰ টকা ডি বি টিৰ মাধ্যমেৰে কৃষকৰ একাউণ্টলৈ হস্তান্তৰ কৰা হয়।
No comments